But when things ur really bad, the full term used isForget Homer Simpson - whit aboot Paw Broon's "Help ma Boab"
"Help ma Boab AND Cricky jings"
And another wee Weegie song
Permission frae the writer has been granted tae post it oan here.
The Glasgow That I Used to Know
• (Adam McNaughtan)
Oh where is the Glasgow where Ah used tae stay
The white wally closes done up wi' pipe clay
Where you knew every neighbour frae first floor tae third
And to keep your door locked was considered absurd
Do you know the folk staying next door tae you
Oh where is the wee shop where Ah used tae buy
A quarter of totties, a tuppenny pie
A bag o' broken biscuits and three sody scones
And the woman aye asked, How's your Maw gettin' on
Can your big supermarkets gie you service like that?
And where is the fitba' that Ah played and saw
The fair shouder charge and the tannery ba'
There was nae four-three-three, there was nae four-two-four
And your mates didnae kiss you wwhenever ye scored
Is the game, like Big Woodburn, suspended sine die?
Oh where is the wean that wance played in the street
Wi' a jorrie, a peerie, a gird wi' a cleek
Can he still cadge a hudgie or dreep aff a dyke
Or is writing on walls noo the one thing he likes?
Can he tell Chickie Mellie frae Hunch, Cuddy, Hunch ?
And where is the tramcar that wance did the ton
Doon the Great Western Road, on the old Yoker run
The conductress aye knew how tae deal wi' a nyaff
If you're goin', then get on, if you're no', then get aff
Are there ony like her on the buses the day?
And where is the chip shop that Ah knew so well,
The wee corner cafe where they used tae sell
Hot peas and bray, and McCallum's and pokes
And you knew they were Tallies as soon as they spoke?
Do you want a-da-raspberry ower your ice-a-cream?
Oh where is the Glasgow that Ah used tae know
Big Wullie, wee Shooie, the steamie, the Co
The shilpit wee bauchle, the glaiket big dreep
The ba' on the slates, and your gas in a peep?
If you scrape the veneer aff, are these things still there?