Cyber Seance 8

[Moonwatcher]

Cyber Seance. 7 Mar 2005

Aw naw no a poll!

Gawd! Talk aboot hassle! Ah’ve creatit a monstir! Right ah know the seances hiv bin a bit erratic eh past couple a weeks bit ah’m only human ye know – ah hink.

A nummer a hings hiv conspired tae keep mah hauns away fae the keys eh the aul cyber keyboard, so get yer violins oot an play some mournfull music while ah make mah excuses.

Wan – Sometimes inspiration jist dries up. Which is merr thin kin bae said furr mah nose it eh moment! [well yiz did ask!] It seems evrybiddy roon aboot meh is suffrin fae this cauld/flu/bug ‘thits gaun aboot’.
“Aye son, it luks lik yiv goat this bug thits gaun aboot” folk keep tellin meh.
Ye know, the medical expertise eh the ordinary man in eh street, never fails tae amaze meh. Ther ye urr, great dribbles eh glutenous yella snot danglin fae yer nose,barkin lik a dug thits chokin oan a cat, glowin red wae a temperature eh a hunner an three, achin aw ower an feelin lik yiv jist bin used iz a fitbaw at Perkheid – an some buddin Dr Barnard tells ye thit yiv probably goat that bug thits gaun aboot! Naw, an err wiz me hinkin it wiz jist mah boady adjustin tae springtime in eh highlands!

Two – Ahm s’posed tae bae preparin a presentation furr a conference nixt week (naw it’s no wan eh Davie’s geneaology hings) – it’s even merr borin thin aht. If ah wiz tae tell ye whit it wiz aboot ye’d aw faw asleep an ah’d bae typin away here tae massell, so nuff said. Suffice tae say thit am iz faur oan way mah Powerpoint pressie iz ah um wae Cyber 8. Reckin ah’ll jist ‘wing it’ oan eh day, same iz ah’m daein wae this.

Three – In among aw this, ah find massell wandrin aroon graveyerds! Noo ah ask ye, diz that no tell ye sumhin? Bliddy cauld, wet graveyerds aht that. Sleet, bitin wind aw oan mah lonesome, tryin tae solve ah mystery furr wan eh oor new TS members. Noo iz that no dedication urr whit?

Four – Ah’ve fun massell getting involved in the growin movement against eh government’s proposals tae introduce ID cerds. Bit that’s leadin us intae the realm a politics an ah know Mesklin widnae want us tae go ther so nuff said aboot that.

Five – Haud oan, ah need tae blaw mah dose!……….Aht’s better, ah wiz drippin ower eh keyboard an mah fingers wurr skittin aff the keys. Noo wher wiz ah? Oh aye, Five. An noo ah fine masell eh subject eh a poll. The Logo debate. Sorry lassies, ah’m no gonnae bow tae yer taunts an intimidation, ah get enuff eh aht fae the wife an eh wimmin at work! Ah remain resolute – They folk urr arrivin aff that sticken boat. An eh wummin’s haudin a bag. [JistJean a never cawd yer ggggggranny a bag – never even knew eh wummin!]

Right. Noo thit ah’ve goat aw that aff mah chist, wher’s the hoat toady an lemsips. Ah’ll jist get iss doon meh afore a set aff furr eh graveyerds again. Take kerr oot ther evribiddy – thirs a bug gaun aboot!

Bob. (Sniff)

[AndrewP]

(message to make the Cyber Seance posts appear in sequence)